Óafturkræft!!!

Það er eitt sem hafa þarf í huga þegar land er friðað, eða friðland er stækkað. Það er eiginlega ómögulegt að minnka friðland.

Hvað ef Þjórsárver eru að hopa. Ef þau eru að minnka og verða eftir 10-15 ár ekki nema svipur hjá sjón. Þá situm við uppi með friðaða sanda sem ekki má gera neitt við. Innan friðlanda má ekki veiða dýr enda lifa minkar og refir góðu lífi á friðlöndum en þeir virða ekki mörk friðlandsins þegar sækja á æti. Að auki þá valda þeir töluverðum usla í friðlandinu sjálfu.

Þeir sem mæla gegn virkjunum tala gjarnan um að þeir vilji nýta landið á sjálfbæran hátt. Ekki megi hafa nýtingarréttinn af afkomendum okkar með óafturkræfum aðgerðum. Það er sjálfsagt og eðlilegt að friða landssvæði en gætum þess að friðun er óafturkræf aðgerð og með friðun skerðum við einnig möguleika afkomenda okkar til að nýta landið í framtíðinni.

Vilja að friðlandið í Þjórsárverum verði stækkað

Athugasemdir

[Gestur Guðjónsson, 25.4.2007 kl. 22:15]

og hreindýrastofninn er kominn í gott horf, en Kringilsárrani var friðlýstur til að bjarga honum. Nú hefur tekist að ná stjórn á veiðum á stofninum, svo hann er allur annar en áður og forsendan fyrir friðlýsingunni því ekki fyrir hendi lengur.

[Gestur Guðjónsson, 26.4.2007 kl. 18:42]

það er rétt að hann hefur ekki verið affriðlýstur, en maður verður að horfa til friðlýsingarinnar í ljósi þess á hvaða forsendum viðkomandi svæði er friðlýst.

"Tilraunin hefur mistekist" hvað áttu við með því?

[Gestur Guðjónsson, 27.4.2007 kl. 12:05]

"Hátt vaxtastig, verðbólga ásamt ójafnvægi í efnhahagslífi með mikilli sveiflu á gengi krónunnar kemur í veg fyrir nýsköpun og bitnar hvað verst á útfluningsatvinnuvegum. "

Það hefur margoft komið fram að þetta er að litlu leiti til komið vegna stóriðjuframkvæmdanna. Innkoma bankanna á íbúðamarkaðinn og jöklabréfin hafa miklu meira að segja um þá hluti sem þú nefnir. Aftur á móti mætti segja, svo ég ráði þér heilt, að framkvæmdirnar fyrir austan hafi orðið til þess að öðrum framkvæmdum hefði verið frestað. Það er staðreynd, en var pólitísk ákvörðun Alþingis til að bjarga Austurlandi frá byggðahruni.

[Sigurður Arnarson (IP-tala skráð) 2.5.2007 kl. 14:08]

Eins og dæmið með Kringilsá sýnir hefur það ekki truflað svefn ráðherra Framsóknarflokksins þó þeir spilli friðuðu landi.  Ef sú staða kæmi upp að almennt væru menn fylgjandi því að af-friðlýsa náttúruperlur, þá væri það sjálfsagt hægt.  Hitt er erfiðara viðfangs að snúa til baka þegar skaðinn er skeður (sbr. Kárahnjúkavirkjun).  Það er nefnilega óafturkræf framkvæmd.  Þetta áttu auðvitað að vita, mágur sæll.  Kær kveðja á Skeiðin