Útvarp Suðurland

Ég tók að mér að vera með þátt á útvarp Suðurland í gærkvöld. Þar spilaði ég Bítlatónlist í tvo tíma og spjallaði um lögin og mennina bak við lögin. Þetta var alveg svakalega gaman og ég vona bara að þeir sem hlustuðu hafi haft jafn gaman að þessu og ég. Ég fékk Villa vin minn til að vera með mér, svona til halds og trausts. Það var meira að segja þannig að ég fékk viðbrögð frá hlustendum meðan þátturinn var í loftinu og voru þau svona líka jákvæð. Ég varð eðlilega mjög ánægður með þetta. Eftir að þættinum lauk þá bauð Óli mér að vera með annan þátt n.k. miðvikudagskvöld og ef af verður þá kem ég til með að spila ný og gömul jólalög.

Athugasemdir

[Villi (IP-tala skráð) 6.12.2007 kl. 22:12]

Það var virkileg gaman að fá nasasjón af því hvernig svona útvarpsmál fara fram. Skemmtilegt að sjá og heyra í þér í svona brjáluðu bítlaaksjon. Finnst að þú ættir að gera þetta öðruhvoru, amk fram að jólum.

[Magnús Már (IP-tala skráð) 11.12.2007 kl. 10:16]

Þú mættir nú alveg senda mér mail áður en þú ferð í stúdíóið næst. Maður er svosum ekki alltaf með kveikt á útvarpinu. Alltaf gaman að rifja upp bítlalögin.

[Gummi (IP-tala skráð) 13.12.2007 kl. 00:06]

Hlustaði á jólalögin hjá þér í kvöld. Góður kl.tími .  Hvernig er það, verður ekki endurtekinn bítlaþátturinn hjá þér?  Ég missti af honum.

Kveðja frá Reykhól