22.4.2009 | 18:09
Mútuþegar Íslands
Hvað er annað hægt að kalla þetta fólk. Í sjálfu sér er eðlilegt að fjármagna þurfi framboð en prófkjör verða að fara fram án þess að til þess þurfi einhverja risastyrki. Þessi fyrirtæki hafa væntanlega ætlast til að þessar fjárfestingar þeirra skiluðu arði eins og lenska var á þessum tíma. Mér finnst allir stjórnmálamenn sem þáðu styrki frá þessum fyrirtækjum hafa brugðist trausti og trúnaði. Þó eru sýnu verst þau sem tóku við háu upphæðunum og eiga þau að sjá sóma sinn í að víkja nú þegar af framboðslistum. Sumir eru að vísu ekki í framboði lengur og það er gott að ekki skuli vera um að ræða að þetta fólk sé fyrir heiðarlegu fólki.
Það vekur athygli að enginn úr röðum VG skuli vera á listanum. hins vegar eru 7 manns með styrki uppá 500.00 eða meira og af þeim eru 4 með yfir milljón. Ef þetta fólk les bloggið hjá mér þá þætti mér vænt um að þau svari í athugasemdum hvað Baugur fékk fyrir þessa styrki.
Þrjú fengu 2 milljónir frá Baugi | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (1)
22.4.2009 | 12:13
Er formaður VG á móti stóriðju?
Formaður VG sendi frá sér fréttatilkynningu þess efnis að frambjóðendur VG hafi ekki þegið neina styrki af fyrirtækjum vegna prófkjörs. Samkvæmt þessu eigum við að trúa að allt sé í lagi hjá frambjóðendum VG.
Formaðurinn er hins vegar orðinn samofinn kerfinu. Hann hefur ekkert rætt eftirlaunafrumvarpið sem hann samþykkti á sínum tíma. Þar var ákvæði þess efnis að formenn flokka í stjórnarandstöðu áttu að fá launahækkun, sem hann og fékk. Þarna lét Steingrímur skattborgara greiða sér hærri laun sökum formennsku í flokki. Eiginkona Steingríms er líka öll af vilja gerð til að redda tekjuhlið heimilisbókhaldsins. Á meðan Steingrímur er á móti virkjunum í Þjórsá þá semur hún við verktaka við virkjunina um efnistöku í landi sínu. Þannig að meðan Steingrímur mótmælir virkjun þá fær frúin tekjur af byggingu hennar.
Það er svo sem gott að hrópa á torgum en oft er erfiðara að lifa eftir hrópunum.
Bloggar | Slóð | Facebook | Athugasemdir (1)
21.4.2009 | 00:37
Sammála um að vera ósammála.....
Evrópustefnan verði á hreinu | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (3)
12.4.2009 | 11:59
Eftirtekt sjálfstæðismanna er mikið ábótavant
Nöfn fyrirtækja ekki rædd í miðstjórn | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (2)
11.4.2009 | 16:16
En hvaða einstaklingar ?????
Guðlaugur ítrekar fyrri yfirlýsingar | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
28.3.2009 | 17:40
Sjálfstæðismenn byrjaðir að sjóða uppnefnasúpuna
Það er grætilegt að sjá að flokkur sem telur sig vera málsmetandi skuli ekki geta sett fram málefnanlega umræðu heldur uppnefnir til hægri og vinstri. Upphafsmaður þessarar tækni er Davíð Oddsson. Honum var það tamt að þegar á móti blés þá annaðhvort skellti hann fram uppnefni eða staðhæfði einhverja vitleysu sem hann þurfti síðan ekki að svara fyrir.
Nú er Sjálfstæðisflokkurinn byrjaður í kosningabaráttu. Fyrsta málefnanlega umræðan kemur þegar varaformaður flokksins uppnefnir fjármálaráðherra skattmann og síðan kemur fyrrv. seðlabankastjóri, bitur og gamall, og segir eftirmann sinn vera með alzheimer.
Kosningabaráttan er hafin.
Víkingar með Samfylkingu | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (2)
25.2.2009 | 18:32
Ekki var það bloggið
Ekki var það bloggið sem varð til þess að Sigurður fékk reisupassann. Ef rétt er farið með upphæðir þá er ljóst að þarna er um að ræða umtalsverðan fjárdrátt. Hann er ekki búinn að vera í starfi í 3 ár en nær að misreikna sér laun svo nemur milljónum. þeir eru til sem ekki eru með milljónir í laun, hvað þá að ná slíkum upphæðum með "misreikning".
Hins vegar er það nokkuð ljóst að Sigurður bloggaði talsvert um menn og málefni. Mér fannst gaman að því bloggi og svaraði honum gjarnan. Eins fékk hann svör frá öðrum og bar aðeins á því að menn gættu ekki hófs og vönduðu ummæli sín og er það miður.
Sveitarstjóra sagt upp | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (13)
25.2.2009 | 18:01
Sveitarstjóri rekinn?
Sigurður Jónsson er orðinn fyrrverandi sveitarstjóri í Skeiða- og Gnúpverjahreppi. Starfslok Sigurðar komu eins og þruma úr heiðskýru lofti. Við sem búum í sveitarfélaginu vissum ekki til að það væri einhver óánægja hjá meirihlutanum með störf sveitarstjórans. En hvað kom þá til.
Mínar heimildir segja að Sigurður hafi ofreiknað sér laun. Bæði er þar um að ræða ofreikning á samningsbundnum launahækkunum og eins mun vera um að ræða einhvern ágreining um laun vegna fundarsetu, en sveitarstjóri sat fjölda funda fyrir sveitarfélagið í starfi sínu.
Sveitarstjóri Skeiða- og Gnúpverjahrepps var á ágætis launum hjá sveitarfélaginu. Þetta má lesa úr ársreikningum hreppsins. Því vekur það nokkra furðu að menn skuli misnota trúnaðaraðstöðu í litlu sveitarfélagi og hafa á þennan hátt pening út úr sveitarfélaginu. Þetta mál Sigurðar ásamt fleiri líkum málum gera það að verkum að greinilega þarf að setja skýrar verklagsreglur um eftirlit með stjórnendum lítilla sveitarfélaga. Eins þarf að skoða hvort sveitarstjórnir eigi ekki að fylgjast betur með störfum ráðinna sveitarstjóra. Eitt er a.m.k. ljóst. Það er erfitt að treysta mönnum fyrir peningum.
Bloggar | Slóð | Facebook | Athugasemdir (1)
8.2.2009 | 17:50
Ég fer ekki fet
Davíð Oddson ætlar ekki að hætta. Hann var ráðinn til ákveðins tíma og hann ætlar sko að sitja þann tíma til enda. Hann tekur þar að auki fram að hann hafi aldrei hlaupist frá verki sem hann hafi tekið að sér. Maðurinn man að vísu ekki eftir þegar hann "sótti" um stöðu seðlabankastjóra til Halldórs vinar síns og fékk. Þá hljópst hann frá tveim störfum bæði sem utanríkisráðherra og sem formaður Sjálfstæðisflokksins.
Davíð. Ég veit svo sem að þú lest ekki neitt sem þú vilt ekki en þú varst ekki ráðinn til að setja landið á hausinn. Þú berð þarna ábyrgð og átt að axla hana. Ástandið í þjóðfélaginu í dag er þér að kenna fyrst og fremst. Fólk missir vinnuna vegna þín, fjölskyldur missa húsnæði vegna þín. En þér er slétt sama. Þú ert og verður eiginhagsmunaseggur sem setur þínar óskir og þarfir í fyrsta sæti og þér er nákvæmlega sama á hverjum þú traðkar og hvernig verður umhorfs eftir á svo lengi sem þú færð þitt fram.
Þú, Davíð Oddson, ert óhamingja Íslands og þjóðarinnar.
Davíð segir ekki af sér | |
Tilkynna um óviðeigandi tengingu við frétt |
Heimsóknir
Flettingar
- Í dag (22.1.): 0
- Sl. sólarhring:
- Sl. viku: 1
- Frá upphafi: 0
Annað
- Innlit í dag: 0
- Innlit sl. viku: 1
- Gestir í dag: 0
- IP-tölur í dag: 0
Uppfært á 3 mín. fresti.
Skýringar