Gítarsmíði

Ég hef undanfarin kvöld aðeins dundað við að aðstoða mág minn við að smíða gítar. Þetta er náttúrulega vandasöm nákvæmnisvinna og bara skemmtilegt að dunda við. Jonni mágur hefur smíðað nokkra gítara um dagana og er núna að vinna í einum sem er afmælisgjöf til bróður hans.

Í dag var réttað í Reykjaréttum í tveggja stiga hita og slyddu. Undir kvöld var hins vegar komin snjókoma og krakkarnir gölluðu sig upp til að fara í snjókast. Veturinn kemur snemma í ár. Hins vegar höfðu bændur það á orði að snjókoma snemma að hausti kallaðist haustkálfur og þetta táknaði einfaldlega að við ættum von á góðu hausti.

Athugasemdir

[Villi Kristjáns (IP-tala skráð) 17.9.2007 kl. 21:21]

Þú eignast þá kannski loksins almennilegan gítar til að glamra mátulega rykaður á í næsta réttarpartýi   

[Gunnar Kr., 28.9.2007 kl. 01:56]

Þegar Jónas hvítan hefur haus
og hann þá búinn ævistarfi að skila.
Þá vel ég trúi að verði fjandinn laus,
og vinurinn mun Lennon bara spila.

[Gunnar Kr., 28.9.2007 kl. 02:09]

Framsóknarmenn eru af furðulegu kyni
og frekar er erfitt þá að greina.
Þeir sækja nú fylgi, forystu og vini,
frekar til alvöru jólasveina.