Ekki var það bloggið

Ekki var það bloggið sem varð til þess að Sigurður fékk reisupassann. Ef rétt er farið með upphæðir þá er ljóst að þarna er um að ræða umtalsverðan fjárdrátt. Hann er ekki búinn að vera í starfi í 3 ár en nær að misreikna sér laun svo nemur milljónum. þeir eru til sem ekki eru með milljónir í laun, hvað þá að ná slíkum upphæðum með "misreikning".

Hins vegar er það nokkuð ljóst að Sigurður bloggaði talsvert um menn og málefni. Mér fannst gaman að því bloggi og svaraði honum gjarnan. Eins fékk hann svör frá öðrum og bar aðeins á því að menn gættu ekki hófs og vönduðu ummæli sín og er það miður.

Sveitarstjóra sagt upp

Athugasemdir

[Páll Jónsson, 25.2.2009 kl. 18:53]

Ég þekki nú ekki inn á málið en er ekki rétt að leyfa honum að njóta vafans í bili hvað varðar fjárdráttinn... Sveitarstjórar eru þokkalega launaðir og ekki beinlínis útilokað að ofreikna, tja, t.d. 60 þús. kall á mánuði án þess að launin virðist neitt frámunalega hærri en áður.

Svo er annað mál hvað sá maður væri að gera í embætti sveitarstjóra sem gæti ekki lesið rétt úr launaflokkum.

[Lesandi (IP-tala skráð) 25.2.2009 kl. 18:53]

Ekki fyrsti Vestmannaeyingurinn sem gerir tæknileg mistök við meðferð opinbers fjár.

[Jónas Yngvi Ásgrímsson, 25.2.2009 kl. 19:40]

Páll. Það er rétt að láta menn njóta vafans. En þú svarar þér náttúrulega sjálfur varðandi það hvað menn hafa að gera í svona embætti geti þeir ekki lesið rétt úr launaflokkum og mig langar að bæta við, kunna ekki að reikna.

[Jónas Yngvi Ásgrímsson, 25.2.2009 kl. 21:04]

Sæll Árni. Um leið og ég þakka þér góðar kveðjur þá vil ég líka þakka þér vel ígrundað og málefnalegt innlegg þitt í umræðuna. Ég er satt best að segja ekki frá því nema að þín vel rökstuddu ummæli hafi haft stórkostleg áhrif til hins betra.

[Anna Sigga, 25.2.2009 kl. 23:58]

Smá kannski viðbót við innlegg Páls - ef ég má?!?

Margt satt og rétt sem þú, Páll, ritar. Þó þykir mér vissulega við það bætandi. 

Mér persónulega finnst ekki eðlilegt að hægt sé að misreikna laun sín um t.d 60 þúsund krónur á mánuði - kannski það sé vegna þess að ég er með 90 þúsund krónur á mánuði í námslán og ef aldrei verið með það há laun að slíkar fjárhæðir myndu ekki stinga í stúf....án þess að vera með neinar aðdróttanir - mér finnst bara ofar mínum skilningi að vera með svo há laun að maður taki ekki eftir svona "auka" upphæðum. 

Hvað gera annars sveitarstjórar? og oddvitar? og hver er munurinn? því er þörf á báðum? 

[Páll Jónsson, 26.2.2009 kl. 01:25]

Anna:

Sveitarstjórarnir eru "framkvæmdarstjórar", þeir sjá um daglegan rekstur í sveitarfélögum og það þarf ekki stór sveitarfélög til þess að sveitarstjórinn sé að drukkna í vinnu frá morgni til kvölds (sorpmál, skólinn, leikskólinn, ferðaþjónustan, menningarmál, GAHH)... svo ég hef vissa samúð með því þó þeir séu á þokkalegum launum.

Oddviti er "stjórnarformaður". Toppurinn í sveitarstjórninni og óopinber vara-sveitarstjóri ef þörf er á.

Eða svo ég svari þessu á aðeins fljótlegri hátt:

• Borgarstjóri = Bæjarstjóri = Sveitarstjóri
• Oddviti borgarstjórnar = Oddviti bæjarstjórnar = Oddviti sveitarstjórnar 

Eini munurinn er stærðin á pleisinu.

[Anna Sigga, 26.2.2009 kl. 08:39]

Takk fyrir Páll. EF sveitarstjóri er að drukkna í vinnu frá morgni til kvölds og er á launum í samræmi við það - ætti hann þá að hafa tíma til að blogga segjum 3 færslur á vinnudegi - þrátt fyrir að hugsum hann  bara frá 9-17?

Þarft ekki að svara þessu þó - bara vangaveltur. 

[Páll Jónsson, 26.2.2009 kl. 10:53]

Ég hef engra hagsmuna að gæta hérna, endilega rakkaðu manninn niður ef þér sýnist svo =)

Mér fannst bara ótímabært að tala beinlínis um fjárdrátt nema menn vissu þá eitthvað meira um málið en fram kemur í fjölmiðlum.

[Anna Sigga, 26.2.2009 kl. 14:50]

Það er naumast - ég vil nú ekki meina að ég sé að rakka manninn enda tala ég nú um þetta á fremur almennum grundvelli. Taki e-r það til sín segir það e.t.v meira um viðkomandi.

Ég held ég segi með sanni þegar ég segi að ég hafi ALDREI sakað manninn um fjárdrátt og sárnar mér dáldið að þú sakir mig um níð og óréttmætar ásakanair.

Eina sem ég er að benda á er að mér finnst kannski eðlilegt að fólk velti þessum atriðum fyrir sér í ljósi þess að þér þyki eðlilegt að vera á frekar háum launum fyrir mikið ábyrgðar starf sem hvað.... bloggari?

Ég er ekki vond manneskja og hef ekki tekið þátt í að "rakka manninn niður" eftir bestu skilgreiningu.

Vona að þú endirskoðir þá hugmynd af mér! 

[Páll Jónsson, 26.2.2009 kl. 17:13]

Haa? Ég var nú aðallega að grínast, ekki taka þessu illa upp.

[Anna Sigga, 26.2.2009 kl. 22:50]

Allt í lagi - skal gert! :)