Gott að þeir séu ekki ljósmæður

Þetta er nú meiri lúxusinn hjá þeim. Ekki þurfa þeir að fara í verkfall, eða eiga von á kæru frá fjármálaráðherra. Þeir geta dundað sér við að leiðrétta þann órétt sem þeir samþykktu varðandi eftirlaunin án þess að eiga von á eftirmálum. Þeir geta farið á ráðherrabílum í réttir og sagt síðan að þeir séu ekki í vinnunni og neitað viðtölum. Ef þeir fara í ferðalög þá fá þeir greidda tvöfalda dagpeninga þrátt fyrir að allur kostnaður sé greiddur. Það má ekki minnast á siðareglur hjá þeim þó þeir séu manna duglegastir við að setja lög um hvernig við hin eigum að haga okkur.

Þetta eru sennilega heppnustu launþegar landsins.

Laun æðstu embættismanna hækkuð

Réttir

Í dag (fimmtudagur 11.09.) stormar sauðfé til byggða til að taka þátt í réttum. Í Skeiða- og Gnúpverjahreppi eru tvær réttir og verður réttað í þeirri fyrri, Skaftholtsréttum, þann 12.09. og þeim síðari, Reykjaréttum, þann 13.09. Rigningin hefur séð um að skola allt hérna þannig að réttirnar ættu að verða fínar þegar fé og fólk mætir. Annars hefur það verið þannig undanfarin ár að vart hefur mátt á milli sjá hvor hópurinn er stærri, fólk eða fé.

Þessir dagar eru jafnan miklir hátíðisdagar í sveitinni. Menn hittast og skiptast á sögum, draga fé og hafa gaman af deginum. Sjálfur réttardagurinn fer síðan í að rúnta milli bæja og smakka kjötsúpu. Það er annars magnað hvað það eru til margar tegundir af kjötsúpu. Þessir dagar eru sérstaklega góðir fyrir börnin en þau fá að skemmta sér með þeim fullorðnu og flakka á milli bæja.

Ég hvet alla sem vettlingi valda að kíka í réttir, annaðhvort fyrir börnin eða fyrir börnin í sjálfum sér.

Ég fann hérna smá myndband á youtube frá Reyðarvatnsrétt 2007 og ákvað að skella honum með hérna.

Ástralskt þjóðlag um þáttöku þeirra í fyrri heimsstyrjöldinni

 

Ástralir börðust við Tyrki í fyrri heimsstyrjöldinni. Þetta lag er gamalt ástralskt þjóðlag um þetta framlag þeirra til styrjaldarinnar. 

 

Árni ..... þeirra tími er kominn!

Það er dálítið hjákátlegt að fylgjast með undanskotum ráðherra og þingmanna varðandi launaleiðréttingu ljósmæðra. Árni segir það ekki gott að hækka núna vegna ástandsins (Geir og Ingibjög Sólrún segja hins vegar ekkert að, engin kreppa). Steinunn Valdís segir fullan skilning á kröfum ljósmæðra, maður getur hins vegar ekki greitt fyrir vörur og þjónustu eða lán með skilningi. Annars velti ég fyrir mér þeirri stöðu sem Samfylkingin er í núna þegar þau eru loks komin réttu megin við borðið til að hafa áhrif og bjarga málunum. Þá hafa þau bara skilning á vandanum en gera ekkert. Þessir aðilar hefðu átt að tala til síðustu ríkisstjórnar með meiri vandlætingu.

Árangurslaus sáttafundur

Af hverju ekki að semja, Árni?

Í hvert skipti sem ráðherrar ríkisstjórnarinnar hafa gert stuttan stans á Íslandi hafa þeir sagt að það væri ekki kreppa á Íslandi. Samt sem áður er ekki svigrúm til að leiðrétta laun ljósmæðra. MBL.IS hefur eftir fjármálaráðherra eftirfarandi: " Ráðherrann kvað þrengra um vik að leiðrétta laun einstakra hópa í kjarasamningum sem væru hugsaðir til skamms tíma. Hann vonaðist þó til þess að menn næðu sáttum áður en kæmi til verkfalls eða raunverulegrar hörku." Þarna talar hann samt um að LEIÐRÉTTA launin. Leiðrétting getur meira að segja verið einhliða og falist í því að Árni lagi þessa vitleysu án þess að fara í einhverjar samningaviðræður.

Lokað og læst á ljósmæður

Reykjavíkurblöðin fara af landsbyggðinni

Það er svo sem sjálfhætt að dreifa Fréttablaðinu og 24 stundum á landsbyggðinni. Þessi blöð bæði eru Reykjavíkurblöð og skrifa einungis Reykjavíkurfréttir nema þegar á að byggja upp atvinnulíf á landsbyggðinni. Þá eru þau tilbúin til að fara í krossferðir og skrifa um landsbyggðina og þá oftast gegn framkvæmdunum og einungis séð með augum 101 Reykjavík.  

Við þurfum svo sem ekki að örvænta. Á Suðurlandi er t.d. fjölbreytt flóra héraðsblaða sem sinnir okkur af kostgæfni og síðan eru það netmiðlarnir. Sunnlenska, Dagskráin og Glugginn eru allt fréttablöð sem gefin eru út á Suðurlandi og tvö þeirra eru fríblöð. Þessum fríblöðum er dreift í öll hús á svæðinu en það er eitthvað sem hvorki 24 stundir eða Fréttablaðið hafa getað gert. Kannski er þessum blöðum bara betur stjórnað en Reykjavíkurblöðunum.

Breytingar á dreifingu Fréttablaðsins

Með hverjum var fundurinn haldinn????

Samfylkingin hélt ekki fund með íbúum "svæðisins" heldur var þarna um nokkra einstaklinga að ræða sem búa í Skeiða- og Gnúpverjahreppi svo og Sól á Suðurlandi. Ég held að Samfylkingin myndi bara ekki þora að funda hérna á opnum fundi með íbúum.

Ítrekuðu andstöðu við virkjanir

Nú er gott að hafa Íbúðalánasjóð

Nú er gaman að skoða söguna.

Á síðasta kjörtímabili stóð Framsóknarflokkurinn vörð um Íbúðalánasjóð. Einnig stóð Framsóknarflokkurinn við kosningaloforð sitt um hækkun íbúðarlána til þeirra sem voru að kaupa sína fyrstu eign. Bankarnir ætluðu sér að yfirtaka þennan markað og undirbuðu Íbúðalánasjóð til að taka til sín sem mest af lánum. Núna er staðan sú að bankarnir hættu að lána en vilja víst fá peninga frá sjóðnum sem þeir ætluðu að gleypa og Samfylkingin og Sjálfstæðisflokkurinn sjá þá einu lausn að endurvekja kosningaloforð Framskóknarmanna og hækka lánshlutfall Íbúðalánasjóðs.

Það verður æ skemmtilegra að vera framsóknarmaður.

Íbúðalánasjóður til bjargar

Hvernig er með könnunina sem Ólafur F. ætlaði að gera

Ólafur F. kynnti að hann ætlaði að láta gera könnun á launum og kostnaði svo sem dagpeningum o.fl. sem borgarfulltrúar hefðu notið. Hvernig líður þeirri könnun. Getur verið að samstarfsmennirnir í meirihlutanum vilji ekki að svoleiðis tölur verði birtar?

Bara ef það hentar mér.....

.....söng einhver hljómborðsleikari í vinsælli hljómsveit fyrir nokkrum árum. Þar fór hann yfir pólitíska sviðið og taldi upp málefni sem hann væri til í að styðja svo lengi sem það hentaði honum. Það vantaði þó þarna inní að hann ætlaði að styðja Dag ef það hentaði honum. Nú virðist þetta lag vera stefnuskrá meirihlutans í Reykjavík og gott að vita til þess að nýji miðbæjarborgarstjórinn er með háleit markmið en ....... bara ef það hentar honum.

20 borgarstarfsmenn með yfir 950 þúsund krónur á mánuði